Looking for a place for entertainment? Most updated news
on saunas, massage, bars and other hot spots.
Also, get info on news, chats, pics, traveling and many other areas.
搜尋同志消費娛樂熱點,桑拿、按摩、酒吧實況報導。
時事百態自由討論專區,圖片、聊天、旅遊各式其色。

「鍾意做乜就去做」王曼喜宣佈出櫃

2014/04/25 - 08:30 - gayfunhk
分類: 

Gaily News: 「鍾意做乜就去做」王曼喜宣佈出櫃

繼何韻詩後,王敏德女兒王曼喜正式宣佈出櫃,昨日她在中環的YSL彩裝派對上,直認跟同性友人拍拖。最近王曼喜再被拍到跟同一名外籍同性友人的親密照,她說:「係囉!留意唔到,如果見到唔會咁,自己鍾意做乜就去做,唔會因為傳媒或狗仔隊唔做,咁人生會好悶,我個人好開放,想做就去做。」是否跟同性外籍女友人拍拖?她想了一想說:「可以話係,爹哋媽咪都知道同見過,佢哋冇乜嘢講。」不過,她對父母王敏德和馬詩慧心感有愧,她說:「因為自己做嘅事,爹哋媽咪俾人問,成為佢哋嘅負擔。」

馬詩慧也支持女兒的決定,她昨在電話說:「佢開心就冇問題,最終都係佢選擇鍾意過嘅生活,我見過個女仔,有啲怕醜。」對於女兒勇敢認愛,她笑言:「冇乜大不了,愛係無分界限,我唔會用鼓吹,但碰巧發生就發生喇,唔覺得係壞事,總之呢個女仔好關心佢,相處到就OK。」

同場早一步宣佈出櫃的何韻詩穿上性感單膊裝,最近她頻頻以女性化打扮示人,似乎上了癮,她直認說:「想騷畀大家睇自己另一面,有好多嘢滋潤,家好自然,以前比較單一面,家唔同咗。」以前經常男仔頭打扮,現在阿詩已不習慣:「家着褲都唔係好慣,睇番以前着西裝都唔慣,我鍾意挑戰自己,畀新鮮感大家。」

對於奧斯卡影后茱迪科士打(Jodie Foster)跟攝影師女友結婚,阿詩直認對婚姻有憧憬,會繼續爭取香港同性婚姻合法化,她說:「啲人話我成日講呢啲好悶,我想有日唔使爭取都有,我希望組織家庭,最少係有呢個權利,雖然我喺加拿大長大,最好就喺自己出身地方做。」

另外,王曼喜前晚跟陳法拉、顏卓靈在上環出席活動。法拉一身低胸裙亮相,卻不慎露出nude bra,她透露昨首日在長洲拍電影《張保仔》,片中她將分飾兩角。

採訪:文國駿、藍文浩

原文: http://s.nextmedia.com/apple/a.php?i=20140425&sec_id=462&s=0&a=18699529